August 9, 2020

ہلدی اور کالی مرچ ملا کر استعمال کرنے کے حیران کن فوائد

ہلدی اور کالی مرچ ملا کر استعمال کرنے کے حیران کن فوائد

ہلدی اور کالی مرچ ملا کر استعمال کرنے کے حیران کن فوائد

ہلدی اور کالی مرچ دونوں ہی بے شمار طبی فوائد کی حامل ہیں لیکن اب ماہرین نے انہیں ملا کر استعمال کرنے کے صحت کے لیے حیران کن فائدے بتا دیئے ہیں۔
ماہرین نے اپنی تحقیق میں بتایا ہے کہ ہلدی اور کالی مرچ کا آمیزہ خواتین کو چھاتی کے کینسر سے محفوظ رکھنے میں بہت مفید ثابت ہوتا ہے۔اگر کسی خاتون کو یہ موذی بیماری لگ جائے تو یہ آمیزہ اس کے علاج میں بھی مدد دیتا ہے۔

ماہرین کے مطابق ہلدی اور کالی مرچ ملا کر استعمال کرنے سے آپ موٹاپے سے بچ سکتے ہیں۔


اس کے علاوہ یہ انفلیمیشن اور مختلف قسم کے درد سے نجات دلاتا ہے۔
ڈپریشن کا خاتمہ کرتا ہے اور کئی اقسام کے کینسر سے بچاتا ہے۔
ہلدی اور کالی مرچ ملا کر استعمال کرنے کے یہ جادوئی فوائد بتانے کے بعد ماہرین نے اسے استعمال کرنے کے طریقے بھی بتائے ہیں۔ انہوں نے بتایا ہے کہ آپ اس آمیزے کو کسی بھی طرح کے کھانے میں ڈال کر کھا سکتے ہیں یا جوس وغیرہ میں ڈال کر پی سکتے ہیں۔

اس کے علاوہ آپ براہ راست یہ دونوں چیزیں ملا کر بھی کھا سکتے ہیں۔ صرف آدھا چمچ ہلدی لیں اور ایک چوتھائی چمچ کالی مرچ۔ انہیں مکس کرکے چمچ کے ذریعے اپنے منہ میں ڈالیں اور اوپر سے پانی پی لیں۔ دن میں دو بار صبح شام یہ آمیزہ لیں اور اس کے جادوئی فوائد دیکھیں۔